بریتییە لە زنجیرەک هەنگاو کە ئەندازیاران پەیڕەوی دەکەن لە کاتی چارەسەرکردنی کێشەیەک یان دروستکردنی بەرهەمێک.
ئەم پرۆسەیە دووبارەبوونەوەی تێدایە، واتە لە هەر هەنگاوێک ئەندازیاران دەکرێ چەند جارێک هەوڵ بدەن تا بگەن بە ڕێگەیەکی دروست، و سوود لە هەڵەکان وەردەگیرێت بۆ چاکسازی کردن لە بەرهەم یان پرۆسەکە.
ژمارەی هەنگاوەکانی پرۆسەی دیزاینی ئەندازیاری دەکرێ بەپێی بواری ئەندازیاری و تیمەکان بگۆڕدرێ، بەڵام بەگشتی لەم هەنگاوانە پێکدێت.
پرسین: پێویستییەکان و ڕێگرییەکان دیاری بکەن
ئەندازیاران بەشێوەیەکی ڕەخنەگرانە پرسیار دەکەن کاتێک دەیانەوێت شتێک دروست بکەن، ئەو شتە بینایەک بێت یان فڕۆکەیەک. پرسیارەکان دەکرێ ئەمانە بن: ئەو کێشەیە چییە کە دەبێت چارەسەر بکرێت؟ دەمانەوێت چی دیزاین بکەین؟ کێ ئەو شتە بەکاردێنێت کە دیزاینی دەکەین؟ پێویستییەکانی پرۆژەکەمان چین؟ بۆچی گرنگە ئەو کارە بکەین و ئامانجمان چییە؟
لە کێشەکە بکۆڵەوە
لەم هەنگاوە پێویست بەوە دەکات خەڵکی لە چەند بواری جیاوازەوە بەشداربن تا بزانن پێشتر لەو بوارە چ بەرهەم و چارەسەرێک خراوەتەڕوو. سوود لە ئەزموونی کەسانی دیکە وەربگرن، و خۆتان بەدوور بگرن لەو هەڵانەی پێشتر کراون. هەروەها ئەوەش دیاری بکەن کە پێویستتان بە چ تەکنۆلۆژیایەک دەبێت.
خەیاڵ بکەن: پەرە بە چەند چارەسەرێک بدەن
لەم هەنگاوە لەگەڵ تیمێک کاردەکەیت تا زۆرترین بیرۆکە بخەنەڕوو و ئاڵوگۆڕیان بکەن. لە یەک کات قسە لەسەر یەک بیرۆکە بکەن و تەنیا باسی بابەتی پەیوەندیدار بکەن. ئەوەتان لەبیربێت کە دیزاینێکی باش تەنیا لەڕێی تیمێکی باشەوە دەکرێت.
پلان دابنێن: چارەسەرێکی گونجاو هەڵبژێرن
بۆ زۆرێک لە تیمەکان ئەمە هەنگاوێکی سەختە. ئەو بیرۆکانەی لە قۆناغی پێشوو خرانەڕوو، لەم قۆناغە لایەنە باش و خراپەکانی هەر بیرۆکەیەک دیاری دەکرێن و بیرۆکە هەرە باشەکەیان هەڵدەبژێرن. دواتر پلانێک دادەنێن کە چۆن ئەو بیرۆکەیە پێش ببەن.
دروست بکەن: نموونە (پرۆتۆتایپ)ێک بنیات بنێن
دروستکردنی نموونەیەک وا دەکات بیرۆکەکەت ببێتە ڕاستی. لەم هەنگاوە ئەوە بۆ تیمەکەتان ڕوون دەبێتەوە کە ئایا نموونەکەتان لەگەڵ خواست و ئامانجە سەرەتایییەکانتان دەگونێجێت.
تاقی بکەنەوە و هەڵی بسەنگێنن
لەم هەنگاوانە ئەو پرسیارانە بکەن: ئایا نموونەکەتان کار دەکات؟ ئایا چارەسەری ئەو کێشەیە دەکات کە سەرەتا دیاریتان کرد؟
تاوتوێی ئەو ئەنجامە بکەن کە بەدەست هاتووە و فیدباک وەربگرن. ئەوە شیبکەنەوە کە چ شتێک باش کار دەکات، چی کارناکات و چ شتێک دەکرێت باشتر بکرێت.
چاکسازی بکەن: دووبارە دیزاینی بکەن بەپێی پێویستی
لەم هەنگاوە وتووێژ لەسەر ئەوە بکەن چۆن دەتوانن چارەسەر (نموونە)کەتان باشتر بکەن. بە کارەکانتان بچنەوە و دیزاینی نوێتری بۆ بکەن.
ئەم پرۆسەیە دووبارە بکەنەوە تا بە باشترین چارەسەر دەگەن.
سەرچاوەکان:
https://www.teachengineering.org/design/designprocess
Comments
Post a Comment