Skip to main content

Sarchia Kurdish fonts - فۆنتە کوردییەکانی سەرچیا

فۆنتەکانی سەرچیا، کۆمەڵە فۆنتێکن کە ژمارەیان سەد (١٠٠) فۆنتە، ئەم فۆنتانە داڕێژراون لەسەر پیتە کوردییەکان بەپێی سیستمی یونیکۆد، ئەم فۆنتانە بەشێکیان ھەر فۆنتە کوردییەکانی ترن کە لەلایەن چەند گرووپ و کەسانێکەوە دروستکراون بەڵام ھەر بەشێوە کۆنەکەیان نا بەڵکوو بە چەندین گۆڕانکارییەوە بەتایبەتیش لە بابەتی ھێماکانی خاڵبەندی و لەبابەتی ئەو پیتانەی کە تەنھا لەزمانی کوردیدا ھەن و بەشێکی زۆری ئەم فۆنتانەش تازەن کە لە کۆمەڵێک فۆنتی فارسییەوە وەرگیراون.


ھەندێک لە تایبەتمەندییەکانی ئەم فۆنتانە بریتین لەوەی کە:

* ئەم فۆنتانە سەرەڕای ئەوەی ھەریەکەیان ناوێکی تایبەت بەخۆیان ھەیە، ھەمووشیان ژمارەیەکی تایبەت بەخۆیان ھەیە و کە سوودی ئەوەی دەبێت کە ئاسانتر فۆنتەکان بناسینەوە و سوودی ئەوەشی ھەیە کە وادەکات فۆنتەکان بێنە ڕیزی ھەرەپێشەوە لەو پڕۆگرامانەی کە فۆنتەکانی تیادا بەکاردەبەین، بەمەش کاتێکی کەمترمان دەوێت بۆ چوونە سەر فۆنتی مەبەست، بەتایبەتیش بۆ ئەو کەسانەی کە ژمارەیەکی زۆر فۆنتیان دامەزراندووە لەسەر کۆمپیوتەرەکانیان.

* لەم فۆنتانە گرینگییەکی زۆر دراوە بە ھێماکانی خاڵبەندی، بەداخەوە کە لەزۆربەی فۆنتە کوردییەکانی تر ئەم ھێمایانە گرینگییەکی ئەتۆیان پێنەدراوە و شێوەیەکی زۆر ناڕێک و جیاوازیان لەیەتری ھەیە. بۆ نموونە خۆی دەبێت ھەر یەک لە ھێماکانی خاڵبەندی وەکو (. و ، و : و ؛ و ! و ؟ ) لە ھەمان ئاست دابن و ھیچیان لەوی تریان لەسەر ھێلی دیاریکراو بەرزتر یان نزمتر نەبێت، کە لە زۆرێک لە فۆنتە کوردییەکان ئەم شتە تێبینیکراوە کە جیاوازی لە بەرزی و نزمیان ھەیە کە ئەمەش شێوەیەکی ناڕێک بەنووسینەکان دەدات. ھەروەھا دەبێت ھەموو ھێماکان ھەمان شێوەیان ھەبێت. بۆ نموونە ئەگەر ھێمای کۆتاییی ڕستە (.) شێوەکەی بازنەیی بوو دەبێت خاڵەکەی ژێر ھێمای سەرسوڕمانیش ھەمان شێوە بازنەیی بێت نەک شێوەیەکی تر و ھێماکانی تریش بەھەمان شێوە.

* ئەو پیتانەی کە تەنھا لە زمانی کوردی ھەن و لە عەرەبی و فارسی نین بەتایبەتی ئەوانەی نیشانەی (٧) لەخۆ گرتووە، لە زۆرێک لە فۆنتە کوردییەکان ھێمای (٧) شێوەیەکی زۆر ناڕێکی بۆ دانراوە و تەنانەت لە ھەندێکیشیان شوینەکەشی نەگوجاوە، بەتایبەتی لە کاتی پێکەوە لکانی ھەردوو پیتی (ڵ) و (ا) کە شێوەیەکی نوێ پێکدێنن و دەبێتە (ڵا) کە خۆی دەبێت ھێمای (٧) بکەوێتە سەر پیتی (ل) چونکە ھی ئەوە و نابێت لە ناوەڕاستیان دابنرێت، کە بەداخەوە دەتوانم بڵێم ھەموو یان زۆربەی ھەرەزۆری فۆنتە کوردییەکان ئەم کارەیان نەکردووە. بەڵام لەم کۆمەڵە فۆنتەدا ئەم کێشەیە چارەسەرکراوە.

* ھەروەھا بەھۆی ئەم فۆنتانەوە دەتوانرێت ھەریەکە لە ئینگلیزی و عەرەبی و فارسی و کوردیی لاتینی بنووسرێت.

ھیوادارم ئەم کۆمەڵە فۆنتە ببنە جێگای ڕەزامەندی ئێوە و کەسانی تر و توانیبێتم خزمەتێکی بچووکی زمانی کوردی بکەم لە ڕێگەی ئەم فۆنتانە. لەڕێگەیانەوە بەشێک لە کێشەکانی نووسین بە زمانی کوردی چارەسەر بکرێن، داواشم لە ئێوەیە کە ھەریەکەتان لای خۆتانەوە ئەم فۆنتانە بۆ ھاوڕێکانتان بنێرن و لە ماڵپەڕ و لاپەڕەکانتاندا لە تۆڕە کۆمەڵایەتییەکان بڵاوی بکەنەوە، داواشم لە کوردئایتیگرووپە ئەگەر بکرێت ئەم فۆنتانە لەبەشی داگرتنی ماڵپەڕەکەی دابنێت. چونکە بەڕاستی ماوەیەکی زۆر پێیانەوە خەریکبووم. ئێوەش دوای بەکارھێنانیان ھەر ڕەخنە و پێشنیارێکتان ھەبێت لەسەریان ھیوادارم بۆم بنێرن، چونکە بەڕاستی ھیچ کارێک بێ کەموکوڕی نابێت.


Comments

Post a Comment

Popular posts from this blog

کیبۆردی کوردیی سەرچیا - Sarchia Kurdish Keyboard

ئەم کیبۆرد (تەختەکلیل)ە بەرھەمی چەند ساڵێک لەمەوبەرە، بەڵام بەھۆی چەند گرفت یان بابەتێکە ئەو کات بڵاونەکراوەتەوە. ئەم کیبۆردە ڕەنگە نەبێتە شتێکی زۆر تازە، لەبەرەوەی پێشتر چەندان کیبۆرد بۆ سیستەمی ویندۆز دروستکراون. بەڵام بڵاوکردنەوەی لە ئێستا زیادتر لەبەرەوەیە ھێشتا خەڵکی لەسەر بەشێک لەو کیبۆردانە ماون کە کێشەدارن و بەشێکی پیتەکانیان ناستانداردن. لە خوارە بە کورتی چەند تایبەتمەندییەکی کیبۆردەکە ڕوونکراوەتەوە، کە بەشێکیان لە ھیچ کیبۆردێکی کوردیی تر نین: – کیبۆردەکە لەسەر کیبۆردی عەرەبی داڕێژراوە، واتە زۆربەی پیتە کوردییەکان ھاوجێن لەگەڵ پیتە عەرەبییەکان. – سەرجەم پیت و ھێماکانی کیبۆردەکە ستانداردن، و پیتە کوردییەکانیش ئەوانەن کە پەسەندکراون لەلایەن پسپۆڕانی زمانی کوردییەوە. – وەک لە ناونیشانی بابەتەکە ھاتووە، بۆ نووسینی سەرجەم پیتە کوردییەکان پێویستت بە داگرتنی دوگمەی شیفت نابێت. لە بەرانبەر لە کیبۆردە کوردییەکانی تر بۆ بەشێک لە پیتەکان دەبێت دوگمەی شیفتی سەر کیبۆرد دابگریت. – دەتوانی نووسین بە زمانەکانی عەرەبی و فارسی بنووسیت ھەر لەڕێی ئەم کیبۆردەوە، واتە لەڕێی ئەم کیبۆردە