Skip to main content

بەسەرھاتی فۆنتی زە سانس

| ئەو فۆنتەی لە وێنەکانی خوارەوە دیارە، ناوی «TheSans»ە، لەلایەن دیزاینەری ھۆڵەندی «Lucas de Groot» دیزاین کراوە. ئەو دیزاینەرەی کە فۆنتی «Calibri» بۆ مایکرۆسۆفت دروست کردووە.

فۆنتەکە ھەشت ستایلی ھەیە و پشتگیری لە زۆر زمان دەکات.

پاکێجە عەرەبییەکەی «TheSans Arabic» بە ٣٤٨ یۆرۆیە.

ئەم فۆنتە لەگەڵ کۆمەڵێک فۆنتی دیکە لەلایەن کەسێکی ئەفغانی بە ناوی فۆنتەکانی «Bahij» بڵاوکرانەوە.

دواتریش لێرە بە ناوی فۆنتی ڕابەر بڵاوکراوەتەوە، بێ ئەوەی دەستکاری بکرێت. فۆنتەکە لە بنەڕەوەتە پشتگیریی پیتە کوردییەکان دەکات.

فۆنتەکە لە کوردستان زۆر بەکارھاتووە، تەنانەت لەلایەن کۆمپانیا گەورەکانیش. کە پێناچێت فۆنتە ئەسڵییەکەیان کڕی بێت.

ڕەنگە ئەخڵاقی نەبێت کۆمپانیایەک ملیۆنان دۆلاری ھەبێت و کەمێک پارە بە فۆنتێک نەدات کە لەڕێیەوە دیزاینەکانی دەڕازێنێتەوە.

ھیوادارم دیزاینەرەکانیش ئەمە لە کۆمپانیاکان بگەیەنن کە ھەقی ئەو دیزاینەرانە بدەن، کابرای دیزاینەری فۆنت، چ لە ئەورووپا بێت یان ئێران یان ھەر شوێنێکی دیکە، بژێوی لەسەر فرۆشتنی بەرھەمەکانیەتی.

خۆ ئەگەر دیزاینەرێکیش لە شوێنێکی بچووک کار دەکا و توانای کڕینیانی نەبێت، ڕەنگە ئەوە مەسەلەیەکی دیکە بێت.


بەستەری فۆنتەکە:

https://www.lucasfonts.com/fonts/the-sans/normal





Comments

Popular posts from this blog

Sarchia Kurdish fonts - فۆنتە کوردییەکانی سەرچیا

فۆنتەکانی سەرچیا، کۆمەڵە فۆنتێکن کە ژمارەیان سەد (١٠٠) فۆنتە، ئەم فۆنتانە داڕێژراون لەسەر پیتە کوردییەکان بەپێی سیستمی یونیکۆد، ئەم فۆنتانە بەشێکیان ھەر فۆنتە کوردییەکانی ترن کە لەلایەن چەند گرووپ و کەسانێکەوە دروستکراون بەڵام ھەر بەشێوە کۆنەکەیان نا بەڵکوو بە چەندین گۆڕانکارییەوە بەتایبەتیش لە بابەتی ھێماکانی خاڵبەندی و لەبابەتی ئەو پیتانەی کە تەنھا لەزمانی کوردیدا ھەن و بەشێکی زۆری ئەم فۆنتانەش تازەن کە لە کۆمەڵێک فۆنتی فارسییەوە وەرگیراون . ھەندێک لە تایبەتمەندییەکانی ئەم فۆنتانە بریتین لەوەی کە : * ئەم فۆنتانە سەرەڕای ئەوەی ھەریەکەیان ناوێکی تایبەت بەخۆیان ھەیە، ھەمووشیان ژمارەیەکی تایبەت بەخۆیان ھەیە و کە سوودی ئەوەی دەبێت کە ئاسانتر فۆنتەکان بناسینەوە و سوودی ئەوەشی ھەیە کە وادەکات فۆنتەکان بێنە ڕیزی ھەرەپێشەوە لەو پڕۆگرامانەی کە فۆنتەکانی تیادا بەکاردەبەین، بەمەش کاتێکی کەمترمان دەوێت بۆ چوونە سەر فۆنتی مەبەست، بەتایبەتیش بۆ ئەو کەسانەی کە ژمارەیەکی زۆر فۆنتیان دامەزراندووە لەسەر کۆمپیوتەرەکانیان. * لەم فۆنتانە گرینگییەکی زۆر دراوە بە ھێماکانی خاڵبەندی، بەد

کیبۆردی کوردیی سەرچیا - Sarchia Kurdish Keyboard

ئەم کیبۆرد (تەختەکلیل)ە بەرھەمی چەند ساڵێک لەمەوبەرە، بەڵام بەھۆی چەند گرفت یان بابەتێکە ئەو کات بڵاونەکراوەتەوە. ئەم کیبۆردە ڕەنگە نەبێتە شتێکی زۆر تازە، لەبەرەوەی پێشتر چەندان کیبۆرد بۆ سیستەمی ویندۆز دروستکراون. بەڵام بڵاوکردنەوەی لە ئێستا زیادتر لەبەرەوەیە ھێشتا خەڵکی لەسەر بەشێک لەو کیبۆردانە ماون کە کێشەدارن و بەشێکی پیتەکانیان ناستانداردن. لە خوارە بە کورتی چەند تایبەتمەندییەکی کیبۆردەکە ڕوونکراوەتەوە، کە بەشێکیان لە ھیچ کیبۆردێکی کوردیی تر نین: – کیبۆردەکە لەسەر کیبۆردی عەرەبی داڕێژراوە، واتە زۆربەی پیتە کوردییەکان ھاوجێن لەگەڵ پیتە عەرەبییەکان. – سەرجەم پیت و ھێماکانی کیبۆردەکە ستانداردن، و پیتە کوردییەکانیش ئەوانەن کە پەسەندکراون لەلایەن پسپۆڕانی زمانی کوردییەوە. – وەک لە ناونیشانی بابەتەکە ھاتووە، بۆ نووسینی سەرجەم پیتە کوردییەکان پێویستت بە داگرتنی دوگمەی شیفت نابێت. لە بەرانبەر لە کیبۆردە کوردییەکانی تر بۆ بەشێک لە پیتەکان دەبێت دوگمەی شیفتی سەر کیبۆرد دابگریت. – دەتوانی نووسین بە زمانەکانی عەرەبی و فارسی بنووسیت ھەر لەڕێی ئەم کیبۆردەوە، واتە لەڕێی ئەم کیبۆردە